iKeyKhmer ជំនាន់ 1.0.1 ចេញអោយប្រើប្រាស់ជាផ្លូវការ កែកំហុស....

ក្រោយពេលដែលក្រុម ៤ខi បានបញ្ចេញនៅក្តារចុចខ្មែរដែលមានឈ្មោះថា iKeyKhmer រួចមកក៏មានអ្នកប្រើប្រាស់ជាច្រើន បានទាញយកវាមកសាកល្បងប្រើ ប៉ុន្តែសំរាប់មតិមួយចំនួនធំបានសំណូមពរទៅក្រុមអ្នកអភិវឌ្ឍអក្សរខ្មែរ ៤ខi អោយមានការវិវឌ្ឍទៅកំណែថ្មីមួយទៀត ដើម្បីបន្ថែមល្បឿននៃក្តារចុចក៏ដូចជាកាត់បន្ថយភាពគាំងយឺតនៅលើ iDevice មួយចំនួន។ ទោះជាយ៉ាងណាមកដល់ថ្ងៃនេះក្រុមពួកគេ ក៏បានបញ្ចេញ iKeyKhmer ជំនាន់ថ្មី 1.0.1 ជាផ្លូវការហើយ ប៉ុន្តែគេបានបន្ថែមនៅក្តារចុច 4 ជួរមកជាមួយផង ខណៈដែលសំរាប់វចនានុក្រមណែនាំពាក្យ គឺនៅតែមួយជាមួយដដែលនោះទេ ប៉ុន្តែ ៤ខi បានបញ្ជាក់ថាបើសំរាប់ក្តារចុចជំនាន់ថ្មីនៅតែមានភាពមិនប្រក្រតីក្រុមពួកគេនឹងដកវចនានុក្រមណែនាំពាក្យ ចេញតែម្តង សំរាប់បន្ថែមល្បឿនអោយបានរហ័សនៅ iKeyKhmer ជំនាន់ក្រោយទៀត។
+របៀបតម្លើងដូចសេចក្ដីណែនាំដូចមុន ហើយមិនចាំបាច់ ប្រើ "Allow Full Access" ឡើយ ៖
-Settings --> General --> Keyboard--> Keyboards --> Add New Keyboard… Select iKeyKhmer --> បើក iKeyKhmer 4Row និង iKeyKhmer 5Row ។
ដូចអ្វីដែលក្រុម ៤ខi បានលើកឡើងដូច្នោះឯង ដោយសូមសំណូមពរអ្នកទាំងអស់គ្នាចូលរួមលើកស្ទួយនៅអក្សរសាស្រ្តជាតិ ដោយបន្តប្រើប្រាស់អោយបានច្រើន មិនថាតែការលេងក្នុងប្រព័ន្ធទំនាក់ទំនងសង្គម ឫសារជាអក្សរជាមួយនឹងមិត្តភក្តិបងប្អូន នោះឡើយ។ ដូច្នេះហើយដើម្បីប្រទេសកម្ពុជា ចូលរួមអភិវឌ្ឍអក្សរសាស្រ្តខ្មែរអោយបានរីកចម្រើនទៅមុខជាដរាប។
សរសេរអត្ថបទដោយ: កៅ​ រក្សា

ពាក់អាវទ្រនាប់​​​មិនត្រឹមត្រូវ​​​អាចបង្កើន​​​ហានិភ័យ​​​កើតជម្ងឺ​​​មហារីកសុដន់

បើនិយាយ​​​ចំពោះមិត្តៗនារី​​​ រាល់គ្នាវិញ អាវទ្រនាប់ត្រូវបាន​​​ភ្ជាប់ជាមួយនឹង​​​ខោទ្រនាប់ ឆ្វេងនិងស្ដាំតាំងពីជំទង់ម៉្លេះ វាមិនត្រឹមតែអាចការពារសុដន់ដែលធ្វើឲ្យទន់ខ្សោយ ក៏អាចជារាងប្រភេទរាងកាយដ៏ស្រស់ស្អាត។ ដូច្នេះ ការពាក់អាវទ្រនាប់រយៈពេលវែងមិនត្រឹមត្រូវ វាអាចបង្កើនហានិភ័យនៃមហារីកសុដន់ ក៏អាចក្លាយជាឃាតករលាក់មុខមួយដែលមានការគំរាមកំហែងដល់សុដន់របស់ស្ត្រី។

រូបភាព មន្ទីរពេទ្យក្វាងចូវទំនើបផ្នែកមហារីក

ទំហំអាវ​​​ទ្រនាប់ធំពេក​​​បណ្តាលឲ្យ​​​ផ្នែកទ្រូងមាន​​​ការប្រែប្រួល
ទំហំអាវទ្រនាប់ធំ​​​ពេកវាមិន​​​អាចមាន​​​ផលប៉ះពាល់​​​ធំធេង​​​ ដល់សុខភាពទេ ប៉ុន្តែវា​​​មិនមាន​​​ប្រសិទ្ធភាព​​​ចំពោះរូបរាង​​​ខ្សែកោងផ្នែកទ្រូង​​​ របស់ស្ត្រីឡើយ។ ស្ត្រីមួយចំនួន​​​ពេលជ្រើសរើស​​​អាវទ្រនាប់ សូមណែនាំ​​​ថាជ្រើសរើស​​​អាវទ្រនាប់ណា​​​ដែលមាន​​​ទំហំធំជាងមួយ​​​លេខដែលអាច ​​​ពាក់បានក្នុង​​​ជីវភាពប្រចាំថ្ងៃ។ ប៉ុន្តែក៏មិនត្រូវ​​​ធំពេកដែរ វាអាចងាយ​​​នឹងបណ្តាលឲ្យ​​​មានការប្តូរ​​​សណ្ឋានផ្នែកទ្រូង។
ទំហំអាវទ្រនាប់តូចពេកធ្វើឲ្យសាច់ដុំលេចចេញ
មានទ្រឹស្តីជាប់ទាក់ទងពីទំហំនៃការពាក់អាវទ្រនាប់ ៖ សុខចិត្តឲ្យរលុងកុំឲ្យតឹង! អ្នកឯកទេសនៃ មន្ទីរពេទ្យក្វាងចូវទំនើបផ្នែកមហារីក ដាស់តឿនថា ទំហំអាវទ្រនាប់តូចពេកអាចមានគាបសង្កត់ដល់ផ្នែកទ្រូង បណ្តាលឲ្យលីមហ្វម៉ាឈាមរត់មិនបានល្អ ងាយនឹងបណ្តាលឲ្យកើតមានជម្ងឺមហារីកសុដន់។ ក្រៅពីនេះ វាអាចធ្វើឲ្យសាច់ដុំលេចចេញ បណ្តាលឲ្យមានសុដន់មួយទៀត មិនត្រឹមតែប៉ះពាល់ដល់សុខភាពទេ ថែមទាំងប៉ះពាល់ភាពស្រស់ស្អាតទៀតផង។
ខ្សែអាវទ្រនាប់ពាក់តឹងពេក គាបសង្កត់ដល់សុដន់
ខ្សែអាវទ្រនាប់តឹងពេកក្រៅពីអាចបណ្តាលឲ្យផ្នែកស្មាមិនសូវស្រួល ថែមទាំងធ្វើឲ្យអាវទ្រនាប់មានចលនា អាវទ្រនាប់បច្ចុប្បន្នសុទ្ធតែមានដែកថែទាំនៅនឹងមួយកន្លែង ពីព្រោះបើសិនអាវទ្រនាប់មានចលនា ដែកថែទាំដ៏រឹងមាំនោះនឹងអាចមានការគាបសង្កត់ដល់ជាលិកាសុដន់ បើសិនស្ថិតក្រោមស្ថានភាពមានចលនានោះ អាវទ្រនាប់មានចលនា ចាំបាច់ត្រូវផ្លាស់ប្តូរអាវទ្រនាប់ជាបន្ទាន់។
អាវទ្រនាប់ពាក់តឹងខ្លាំងពេកធ្វើឲ្យសាច់ខ្លាញ់លៀនចេញ
មិនត្រូវយល់ថាអាវទ្រនាប់កាន់តែចង្អៀត ប្រសិទ្ធភាពនៃម៉ូដែលកាន់តែល្អនោះទេ។ អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកដាស់តឿនថា អាវទ្រនាប់តឹងពេកអាចបណ្តាលឲ្យដំណើរឈាមរត់មិនស្រួល តឹងទ្រូងមានសម្ពាធ ថែមទាំងមានការរំខានពីសាច់ខ្លាញ់ដែលលៀនចេញទៀតផង! កំរិតដែលតឹងចង្អៀតដ៏ត្រឹមត្រូវនោះគួរតែខ្សែសំប៉ែត អាវទ្រនាប់ស័ក្តិសមនឹងស្បែក មិនចង្អៀតដល់សាច់ដុំ ផ្នែកក្រោមឆ្វេងស្តាំនៃអាវទ្រនាប់គួរតែឋិតក្នុងកំរិតមួយដូចគ្នា។
ក្រៅពីព័ត៌មានដែលបានលើកឡើងខាងលើនេះ ក្រៅពីនេះនៅមានអ្នកដែលពាក់វាលើសពី១២ម៉ោង ក៏អាចបង្កើនអត្រាកើតមាន ជម្ងឺមហារីកសុដន់ ដែរ ពីព្រោះប្រសិនបើនៅក្នុងផ្ទះ ឬឱកាសដែលមិនមែនជាសាធារណៈអាចព្យាយាមកុំពាក់អាវទ្រនាប់អី វាមានប្រយោជន៍ចំពោះការ ការពារជម្ងឺមហារីកសុដន់។
តើអាវទ្រនាប់មិនត្រឹមត្រូវអាចបណ្តាលឲ្យសុដន់មានផលប៉ះពាល់មិនល្អអ្វីខ្លះ? អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកបានពន្យល់ថា ជាបឋម អាវទ្រនាប់មិនត្រឹមត្រូវអាចធ្វើឲ្យបំពង់ទឹកដោះស្ទះ។ ពីព្រោះអាវទ្រនាប់ភ្ជាប់នឹងក្បាលសុដន់ ពេលមានចលនា ក្បាលសុដន់កកិតនឹងជាតិសរសៃអាវទ្រនាប់ ធ្វើឲ្យជាតិសរសៃជ្រាតចូលទៅក្នុងបំពង់ទឹកដោះ។ មិនយូរមិនឆាប់ បំពង់ទឹកដោះនឹងស្ទះ មិនត្រឹមតែមានការប៉ះពាល់ដល់ការបំបៅកូនទេ ថែមទាំងបណ្តាលឲ្យរលាកទៀតផង។ ទីពីរគឺងាយនឹងបណ្តាលឲ្យក្បាលសុដន់មានសណ្ឋានក្រហូង។ ប្រសិនបើជ្រើសរើសប្រវែងអាវទ្រនាប់ខ្លីជាងទំហំដើមទ្រូង ដូច្នេះ អាវទ្រនាប់នឹងគាបសង្កត់លើសុដន់ ប៉ះពាល់ដល់របត់ឈាមរត់របស់សុដន់ និងគាបសង្កត់ដល់ក្បានសុដន់ ធ្វើឲ្យក្បាលសុដន់រាបស្មើនិងក្រហូងចូលក្នុង ហើយក៏ប៉ះពាល់ដល់ការបំបៅកូនផងដែរ។ ដូច្នេះ មិត្តៗនារីចាំបាច់ត្រូវជ្រើសរើសអាវទ្រនាប់ដ៏សមស្រប បន្ទាប់មកពាក់វាឲ្យបានត្រឹមត្រូវទើបអាចការពារសុខភាពសុដន់បានយ៉ាងពិតប្រាកដ។
អត្ថបទដោយ៖ មន្ទីរពេទ្យក្វាងចូវទំនើបផ្នែកមហារីក

ជម្ងឺ​ស្លន់ស្លោ

ជម្ងឺ​ស្លន់ស្លោ​ច្រើន​កើតមាន​ជាតំណាក់​កាលៗ ផ្ដើមចេញ​ពីលោកអ្នក​ដែល​តែងតែ​កើតមាន​ជម្ងឺ​ថប់អារម្មណ៍ ហើយ​ឆាប់​ភ័យ ខ្លាច និង​មានស្មារតី​តិច។ ប្រសិនបើ​មិនធ្វើការ​ព្យាបាល​ឱ្យទាន់​ពេលវេលា​នោះ ជម្ងឺនេះ​អាចបង្ក​ផល​ប៉ះពាល់​យ៉ាងខ្លាំង​មកលើ​សុខភាព និង​ជីវភាព​រស់នៅ។

រូបភាពទស្សនាវដ្ដីសុខភាពយើង

ដើម្បី​យល់ច្បាស់​អំពី​ជម្ងឺនេះ ទស្សនាវដ្ដី សុខភាពយើង បានជួប​សម្ភាស​លោក​វេជ្ជបណ្ឌិត សុខ សេដ្ឋបុត្រ ឯកទេស ជម្ងឺ​ផ្លូវចិត្ដ នៃ​មន្ទីរពេទ្យ​មិត្ដភាពខ្មែរ-សូវៀត។
ជម្ងឺ​ស្លន់ស្លោ​ជាអ្វី?
ស្លន់ស្លោ​គឺជា​ជម្ងឺម្យ៉ាង​ដែលកើត​ចេញពី​លោកអ្នក​មាន​ស្មារតី​តិច ធ្លាប់​បាក់ស្បាត ថប់​អារម្មណ៍ និង​ខ្សោយ​បេះដូង។ ជម្ងឺនេះកើតមាន​នៅលើ​មនុស្ស​ដែលគិត​ច្រើន ប៉ុន្ដែការ​គិតនោះ​វាមិន​អាចយក​ជាការ​បាននោះ​ឡើយ។ ហើយ​ទង្វើដែល​អ្នកជម្ងឺ ប្រភេទនេះ​ធ្វើហាក់​បីដូចជា​មិនសូវ​មានអ្នក​គាំទ្រ​នោះទេ ព្រោះធ្វើ​ទៅលើ​អ្វីដែល​ខ្លួនគិតថា​ត្រឹមត្រូវ​ហើយ​ខុសឆ្គង។ ជម្ងឺ​ស្លន់ស្លោ​នេះ មានដើម​កំណើត​ដោយសារ​តំណពូជ​ដែរ សូម្បីតែ​កូនក្មេង​តូចៗ​ក៏មាន​ជម្ងឺ​ស្លន់ស្លោ ព្រោះ​ពេលខ្លះ​ក្មេងតូចៗ​ទាំងនេះ​ពេលឃើញ​ម្ដាយ រងគ្រោះ​ក្នុង​ឧបទ្ទវហេតុ​អ្វីមួយ ឬឃើញ​បងៗយំ​ក៏ធ្វើឱ្យ​អារម្មណ៍​របស់ក្មេង​នេះមាន​ការភ័យខ្លាច​ក៏យំ​តាម ហេតុផល​នេះអាច​ធ្វើឱ្យ​កុមារ​មានអារម្មណ៍​ស្លន់ស្លោ​បានដែរ។
រោគសញ្ញា​ជម្ងឺ​ស្លន់ស្លោ
អ្នកមាន​ជម្ងឺ​ស្លន់ស្លោ​បានបង្ហាញ​ឱ្យឃើញ​នូវ​អាកប្ប​កិរិយា​មិន​ ប្រក្រតី ដូចជា​ពេលមាន​រឿងរ៉ាវ​តិចតួច​ឆាប់ស្លុត ញ័រ​ដើមទ្រូង ងងឹត​មុខ ស្រឺត​បាត់ម្ចាស់​ការលើ​ខ្លួនឯង។ អ្នក​មានជម្ងឺ​ប្រភេទនេះ​មិនត្រូវ​ឱ្យនៅ​ម្នាក់ឯង​នោះទេ ហើយ​ក៏មិនត្រូវ​ឱ្យគិត​ច្រើន​ដែរ។ ហើយ​មិនត្រូវ​បង្ហាញ​នូវ​ហេតុការណ៍​ណាដែល​បង្កឡើង​មានភាព​រន្ធត់ៗ​នោះឡើយ ព្រោះ​អ្នកជម្ងឺ​អាចមាន​អារម្មណ៍​គិតដល់ រឿងនោះ​ហើយ​សន្លប់​បាត់ស្មារតី​តែម្ដង។
វិធី​ព្យាបាល​អ្នកជម្ងឺ​ស្លន់ស្លោ
ខណៈពេល​ដែលអ្នក​ជម្ងឺ​ស្លន់ស្លោ​កំពុងតែ​មាន​សភាព​សន្លប់ស្ដូក​ស្ដឹង ត្រូវ​ជ្រើសរើស​វិធីសាស្ដ្រ​ពន្យល់​ប្រាប់អ្នក​ជម្ងឺ​ដោយលើក​ទឹកចិត្ដ ដោយ​បញ្ជាក់​ប្រាប់ថា​មិនមាន​បញ្ហាអ្វី​នោះទេ។ ហើយ​មិនត្រូវ​ឱ្យអ្នក​ជម្ងឺ​គិតច្រើន ត្រូវ​យកចិត្ដ​ទុកដាក់​លើអ្នក​ជម្ងឺ ឱ្យបាន​ត្រឹមត្រូវ និង​ធ្វើឱ្យ​អ្នកជម្ងឺ​សប្បាយ​ចិត្ដ លួងលោម​ដល់អ្នក​ជម្ងឺ​ឱ្យធ្វើ​កិច្ចការ​អ្វីមួយ​អមដោយ​លើកទឹកចិត្ដ​ គ្រប់ពេលវេលា។ ប៉ុន្ដែ​ពេលខ្លះ​អ្នកជម្ងឺ​ក៏អាច​ព្យាបាល​ដោយការ​ប្រើប្រាស់​ថ្នាំពេទ្យ​ ផងដែរ ដើម្បី​កាត់​បន្ថយ​នូវជម្ងឺ​ថប់អារម្មណ៍ ព្រោះវា​ជាដើមចម បណ្ដាល​ឱ្យមាន​ជម្ងឺស្លន់ស្លោ។
ផល​ប៉ះពាល់​របស់​ជម្ងឺ​ស្លន់ស្លោ
នៅពេល​ដែល​លោកអ្នក​មាន​បងប្អូន​ឬគ្រួសារ​មានជម្ងឺ​ស្លន់ស្លោ​នេះកើត​ឡើង ត្រូវ​ប្រុងប្រយ័ត្ន​ឱ្យបាន​ខ្លាំង និង​ត្រូវចេះ​ព្យាបាល​ឱ្យទាន់​ពេលវេលា។ ព្រោះ​អ្នកជម្ងឺ​អាច​សន្លប់ និង​ថប់អារម្មណ៍​រហូតដល់​គ្រោះថ្នាក់​ដល់​ជីវិតបាន ប្រសិន​បើមិន​ចេះកែ​សម្រួល​អារម្មណ៍​របស់​អ្នកជម្ងឺ​ទេនោះ។
ដំបូន្មាន​អ្នក​ជំនាញ
ប្រសិនបើ​លោកអ្នក​មានជម្ងឺ​ស្លន់ស្លោ​មិនត្រូវគិត​ច្រើន​នោះទេ ហើយ​ត្រូវរក​ថ្នាំព្យាបាល​ជម្ងឺនេះ ដើម្បី​ជួយ​សម្រាល​ដល់អារម្មណ៍​តក់ស្លុត​របស់ខ្លួន។ ហើយ​ត្រូវរក​ឱកាស​ដើរកម្សាន្ដ​ឱ្យបាន​ច្រើន លក្ខណៈ​ជាក្រុម ដើម្បី​ជជែកគ្នា​លេង​ពីនេះ​ពីនោះ ដែល​មិនមែន​ជារឿងរ៉ាវ​រន្ធត់ ឬ​កម្សត់ តក់ស្លុត​ឡើយ។ ការ​ពិភាក្សា​ទាំងនេះ​អាចជួយ​សម្រាល​ដល់អ្នក​មានជម្ងឺ​ស្លន់ស្លោ ជ្រះស្រឡះ ខួរក្បាល​ឈប់គិត​ពីរឿង​ពិបាកចិត្ដ អ្នកជម្ងឺ​អាច​ធូរស្រាល​បាន។

ដេកមិន​លក់​ប៉ះពាល់​សុខភាព និង​សម្រស់

ដេក ​មិនលក់​ធ្វើឱ្យ​មាន​ផល​វិបាក​ច្រើន​ចំពោះ​សុខភាព និង​សម្រស់។ លោកអ្នក​គ្រប់រូប​ពិតជា​ចៀស​មិនផុត​ឡើយ​ចំពោះ បញ្ហា​ដេកមិន​លក់។ ដេកមិន​លក់នេះ​ទៀតសោត​អាច​បណ្ដាល​ឱ្យមាន​រង្វង់​ភ្នែកខ្មៅ ខូងភ្នែក ជម្ងឺ​ឈឺក្បាល​ឬវិល​មុខជា​ដើម។ ប៉ុន្ដែ ដេក​មិនលក់​មិនមែន​ជាជម្ងឺ​ទេ គ្រាន់តែ​ជា​អាការ​រោគមួយ​ប្រភេទ​ដែល​បណ្ដាល​មកពី​ការគិត​ច្រើន​និង​មកពី​ ជម្ងឺ​ផ្សេងៗ។

រូបភាពទស្សនាវដ្ដីសុខភាពយើង

លោកស្រី​វេជ្ជ​បណ្ឌិត ចក ធីតា ឯក​ទេស​វិកល​វិទ្យា​បាន​ចូលរួម​បក​ស្រាយ​ពីមូល​ហេតុ​ដេកមិន​លក់ជូន​ មិត្ដអ្នក​អានបាន ជ្រាប​ជាមួយ​ទស្ស​នាវដ្ដី សុខភាព​យើង។
មូល​ហេតុ​ដេកមិន​លក់
អាការ​ដេក​មិនលក់​កើតមក​ពីបញ្ហា​២យ៉ាង។
1 . បញ្ហា​ផ្លូវកាយ ៖ ជម្ងឺ ​ពាក់ព័ន្ធ​រាងកាយ​មានដូច​ជាឈឺ​សរសៃ រោយ​ឆ្អឹងខ្នង បញ្ហា​រោគស្ដ្រី​ជាដើម។ ម្យ៉ាង​ទៀតវា​អាច បណ្ដាល​មកពី​ការធ្វើ​ការច្រើន​ហួស​កំណត់​ពុំសូវ​មានពេល​សម្រាក ដែល​ភាគច្រើន​កើតមាន​លើ​កម្មករ​សំណង់​និង​អ្នកធ្វើ​ការនៅ​រោង ចក្រ។ ជួន​កាលមក​ពីការ​ទទួល​ទាន​អាហារ​ច្រើន​ជ្រុល ក៏ធ្វើ​ឱ្យ​រសាប់​រសល់​ពិបាក​ដេក។
2 . បញ្ហា​ផ្លូវចិត្ដ ៖ អាចកើត ​ចេញជា​ច្រើនរូប​ភាព​តាមរយៈ​ពិបាក​ចិត្ដឬ​ស្មុគ​ស្មាញ​នៅកន្លែង​ធ្វើការ​ ដែលជា​កត្ដា​ចម្បង សម្រាប់​ការគិត​ច្រើន ធ្វើឱ្យ​ដេកមិន​លក់។ អ្នកខ្លះ​ទៀត​កង្វល់​អំពី​បន្ទុក​ក្រុម​គ្រួសារ មានការ​មិនយល់​ចិត្ដគ្នា​ឬដោះ​ស្រាយ​មិនចេះ​ចប់ មិនចេះ​ហើយ​ជាដើម។ ម្យ៉ាងទៀត​មូលហេតុ​ដេកមិន​លក់ក៏​អាចដោយ​សាររឿង​ស្នេហា​មាន​ជម្លោះ​មិនសូវ​ ត្រូវ​រ៉ូវគ្នា​ជាដើម​ផងដែរ។
វិធី​ដោះស្រាយ​ដេកមិន​លក់
មាន​ដំណោះ​ស្រាយ​មួយ​ចំនួន​សម្រាប់​លោកអ្នក​ជួយខ្លួន​ឯងឱ្យ​គេងលក់​ស្រួល។

• លោកអ្នក​ត្រូវរក​មូលហេតុ​ពិតប្រាកដ​ដែល​បណ្ដាល​ឱ្យដេក​មិនលក់ ដើម្បី​ដំណោះ​ស្រាយ​ទាន់ពេល​វេលា​និងទៅ​តាម រឿង​នីមួយៗ។ លោកអ្នក​គួរតែ​ដោះ​ស្រាយ​ដោយ​សន្ដិ​វិធី រម្ងាប់​អារម្មណ៍​ដោយ​ខ្លួនឯង ហើយ​ព្យាយាម​សម្ងំ​ដេក​មិនត្រូវ​គិតពី​រឿងអ្វី ទាំងអស់ ដើម្បី​ជួយឱ្យ​មាន​អារម្មណ៍​ឱ្យជ្រះ​ថ្លាពេល​ក្រោកពី​ដំណេក។
• លោកអ្នក​អាចទៅ​ពិភាក្សា​ជាមួយ​ដៃគូ​ដែលអ្នក​ទុកចិត្ដ ដូចជា​មិត្ដភក្ដិ បងប្អូន គូ​សង្សារ​ជាដើម។ តែបើ​បញ្ហា​សំខាន់​មិនអាច​ដោះស្រាយ​បាន គួរទៅ​ជួបអ្នក​ជំនាញ​ដើម្បី​ផ្ដល់ជា​យោបល់ និងអាច​ជួយ​សម្រួល​ឱ្យ​ដេកលក់។

ផលវិបាក​នៅពេល​ដេក​មិនលក់
ដេកមិន​លក់មាន​ផល​វិបាក​ច្រើន​ចំពោះ​រាងកាយ ដូចជា​ស្រក​ទម្ងន់​លឿន ស្លេក​ស្លាំង​ទាំងមុខ​មាត់​ឬរូបរាង​កាយមិន​ស្រស់ថ្លា​ជាដើម។ មិន​ត្រឹមតែ​ប៉ុណ្ណោះ​ទេ ធ្វើឱ្យ​រង្វង់​ភ្នែក​ជាំខ្មៅ​មួយ​រយៈ​ពេល ឬអាច​ជារៀង​រហូត​ក៏មាន។ ម្យ៉ាងទៀត​ជម្ងឺ​អាច​មក​បៀត​បៀន​បានយ៉ាង​ឆាប់​រហ័ស ព្រោះ​សុខភាព​ចុះទ្រុឌ​ទ្រោម។ ដេកមិន​លក់ជា​បញ្ហា​មួយដែល​កើត​ចំពោះ​លោកអ្នក​គ្រប់វ័យ​ដោយ សារការ​គិតដែល​មាន​លក្ខណៈ​ផ្សេងៗ​ពីគ្នា។
វិធី​ទប់ស្កាត់​នៅពេល​ដេកមិន​លក់
លោកអ្នក​មិនគួរ​គិតច្រើន​ពេកទេ​នៅពេល​ដេកមិន​លក់ និងសូម​កុំធ្វើ​សកម្មភាព​ដែលនាំ​ឱ្យគិត​ដល់រឿង​រ៉ាវដែល​អាក្រក់ ចំពោះ​ខ្លួនឯង។ ដើម្បី​ទប់ស្កាត់​បញ្ហា​ទាំងនោះ​លោកអ្នក​ដែលដេក​មិនលក់​គួរ​ប្រតិបត្ដិ​ ដូចខាង​ក្រោម​ទើបអាច​ប្រសើរ​ជាងមុន ហើយ​ជួនកាល​អាច​បំភ្លេច​បញ្ហា​គ្រប់យ៉ាង និង​ជួយឱ្យ​ដេកលក់​ស្រួលទៀត​ផង។

• មិនត្រូវ​ទទួល​ទាន​អាហារ​ច្រើន​ហួស​កំណត់​ឡើយ
• ព្យាយាម​រម្ងាប់​អារម្មណ៍​ចំពោះ​រឿងរ៉ាវ​ទាំងឡាយ​ដែល​ពាក់ព័ន្ធ​នឹងខ្លួន​ឯង
• ត្រូវគិត​មួយរឿង​ៗឱ្យ​ដាច់​ស្រឡះ​ពីគ្នា មិនត្រូវ​គិត​ច្របូក​ច្របល់​នូវ​បញ្ហា​ទាំងអស់​ទេ
• ត្រូវលួង​ខ្លួនឯង​ថាអ្វីៗ​ក៏អាច​ដោះ​ស្រាយ​បានដែរ ឱ្យតែ​យើង​ហ៊ាន​ប្រឈម​មុខនឹង​ការពិត
• ប្រសិន​បើអាច​និយាយ​ពីរឿង​របស់ខ្លួន​បាន គួរតែ​និយាយ​ប្រាប់អ្នក​ណាម្នាក់​ដែលអ្នក​ទុកចិត្ដ​បំផុត
• បើ​លោកអ្នក​គិតថា​ខ្លួនមាន​អាការ​ខុស​ប្រក្រតី គប្បី​លោកអ្នក​ត្រូវទៅ​ពិភាក្សា​ជាមួយ​គ្រូពេទ្យ​ជំនាញ ដើម្បី​រក​វិធី​ទប់ ស្កាត់ឱ្យ​ទាន់ពេល​វេលា។

លោកអ្នក​ត្រូវគិត​ថាការ​បាក់ទឹក​ចិត្ដអ្នក​ណាក៏​ជួប​ប្រទះ​ដែរ មិនអាច​ចៀស​ផុត​បានទេ​ហើយការ​បាក់ទឹក​ចិត្ដ​ទាំងនោះ​ក៏ជា​ចំណែក​មួយដ៏​ ធំធ្វើ​ឱ្យ​លោកអ្នក​ដេកមិន​លក់។ អ្វីដែល​សំខាន់​លោកអ្នក​ត្រូវជួយ​ខ្លួនឯង​ឱ្យបាន​ចំពោះ​រឿង​ដែលកើត​ឡើង​ ជុំវិញ​ខ្លួន។
ដំ​បូន្មាន​អ្នក​ប្រឹក្សា
ជា​ទូទៅ​ពេលដេក​មិនលក់ លោកអ្នក​មិន​គប្បី​ប្រើថ្នាំ​រម្ងាប់​អារម្មណ៍​នោះទេ​ព្រោះអាច​ប៉ះពាល់​ដល់​ សុខភាព​យ៉ាង​ធ្ងន់ធ្ងរ។ លោកអ្នក​គួរគិត​ថាជា​រឿង​ធម្មតា អ្នកណា​ក៏ធ្លាប់​ជួប​ប្រទះ គ្មានអ្នក​ណាម្នាក់​អាចចៀស​រួចឡើយ។ គប្បី​បើកចិត្ដ​ឱ្យ​ទូលាយ​ដើម្បី ទទួល​យកអ្វី​ដែលជា​ការពិត និងធ្វើ​ការ​ដោះស្រាយ​ដើម្បី​ឱ្យដេក​លក់ស្រួល​ជាងពេល​មុន។

វិធីសាស្រ្តធ្វើចំណី-វត្ថុធាតុដើម​​​ចិញ្ចឹម​មាន់​ទា

វត្ថុធាតុដើម​សម្រាប់​អ្នក​ចិញ្ចឹម​មាន់​ទា

ការស្វែងរក ​ប្រភព​វត្ថុធាតុដើម មក​ផ្សំ​ជា​ចំណី​មាន់​ទា គឺជា​រឿង​មួយ​លំបាក​ជាងគេ ព្រោះតែ​ប្រភព​នៃ​គ្រឿងផ្សំ​មាន​ពុំ​ទៀងទាត់ ឯ​តម្លៃ​ទៀតសោត​ក៏​
​ ផ្លាស់ប្តូរ​ជារឿយៗ​ទៅតាម​អត្រា​នៃ​ការ​ប្តូរប្រាក់​ក្នុង​ទីផ្សារ​ដែរ​។ ​វត្ថុ​សំខាន់​ជាងគេ​សម្រាប់​ផ្សំ​ជា​ចំណី​មាន់​ទា​មាន​ចំនួន​៧​មុខ​ហើយ​វា​ ចាំបាច់​ត្រូវតែមាន​សឹង​មិនអាច​ខ្វះ​បាន បើសិនជា​យើង​ចិញ្ចឹម​មាន់​ទា​ក្នុង​ទ្រង់ទ្រាយ​មួយ​ធំ​បង្គួរ​។​
​ស្រូវ : យើង​អាច​កិន ( កិនបំបែក​) ឲ្យ​វា​បែក​ទៅជា​ម្សៅ​ទាំងមូល​តែម្តង នោះ​យើង​នឹង​បានទទួល​ទាំង​កន្ទក់​អង្ករ​រួមគ្នា បើសិនជា​រូបមន្ត​ផ្សំ​ចំណី​បង្គាប់​ថា​យើង​ត្រូវមាន​កន្ទក់ និង ចុងអង្ករ​តែ​អត្រា​កន្ទក់​នោះ​មាន​ច្រើនជាង​ចុងអង្ករ ដូច្នេះ​ដើម្បី​ឲ្យ​ត្រឹមត្រូវ​តាម​រូបមន្ត​ផ្សំ យើង​ត្រូវមាន​ចុងអង្ករ​ផ្សេង កន្ទក់​ផ្សេង​យកមក​ផ្សំគ្នា ដើម្បី​ធ្វើដូច្នេះបាន យើង​ត្រូវមាន​ម៉ាស៊ីនកិនស្រូវ​តូច​មួយ កិន​ឲ្យ​ចេញ​ជា​អង្ករ​ដោយ​លៃ​ធ្វើយ៉ាងណា​ឲ្យ​វា​ខ្ទេច​បែក​ជា​បី​បួន​កំណាត់ ឬ​លើស​នេះ តែ​នៅ​មើលឃើញ​កំទេច​អង្ករ​ផ្នែក​ដែល​នៅសល់ យ​កវាម​កលាយ​នៅ​ជាមួយ​ស្រូវ រួច​បញ្ចូល​ក្នុង​ម៉ាស៊ីន​វៃ​វា​ឲ្យ​ម៉ដ្ឋ​ល្អ ដោយ​ប្រើ​តម្រង ( កញ្ច្រែង ) មាន​រន្ធ​តូចៗ ដើម្បី​ឲ្យ​វា​កើតជា​កន្ទក់​លេខ​មួយ ដោយ​ការធ្វើ​របៀបនេះ​យើង​មិនសូវ​ខាត​ច្រើន​ទេ ព្រោះ​គ្មានអ្វី​ត្រូវ​បោះចោល​ឡើយ​។​
​ពោត : ពោត យើង​អាច​ស្វែងរក​ទិញ​បាន​នៅ ផ្សារ​ដើម​គរ ផ្សារ​អូ​ឬ​ស្សី​ក្នុងតម្លៃ​ប្រហែល 1600-2000 រៀល ក្នុង​មួយ​គីឡូក្រាម (​តម្លៃ​មានការ​ប្រែ​ប្រូ​ល ) បើសិនជា​កន្លែង​ចិញ្ចឹមសត្វ​យើង​មាន​ទីតាំង​នៅក្រៅ​ក្រុង យើង​គួរ​រក​ទិញ​តាម​ចំការពោត​គេ វា​មានតម្លៃ​ត្រឹមតែ 1200-1300 រៀល ក្នុង​មួយ​គីឡូក្រាម​ប៉ុណ្ណោះ​យើង​កិនបំបែក​វា​ឲ្យ​នៅសល់​ត្រឹម​ទំហំ​ប៉ុន​ ជើងធូប ឬ​ធំ​ជាង នោះ​បន្តិច ដើម្បី​កុំ​ឲ្យ​មានការ​ខាតបង់ យើង​គួរ​ត្រាំ​ពោត​នោះ​ក្នុង​ទឹក​ល្បាយ​អ៊ី​អ៊ឹម ឲ្យ​បាន​ចំនួន ១​ម៉ោង​សិន​(​សម្រាប់​ប្រើ​ក្នុង​១​ថ្ងៃ ) ដើម្បី​កុំ​ឲ្យ​វា​ហុយ​ប៉ើង​អស់​ខ្លះ​ពេល​យើង​កិន​វា តែ​ការធ្វើ​បែបនេះ​គឺ​សម្រាប់តែ​ឲ្យ​សត្វ​ស៊ីក្នុង​១​ថ្ងៃ​ប៉ុណ្ណោះ កុំ​ទុក​ដល់​ថ្ងៃស្អែក បើ​យើង​ចង់ទុក​វា​ដល់​ស្អែក ត្រូវដាក់​ហាល​វា​ឲ្យ​ស្ងួត​ល្អ​សិន​។ ចុងអង្ករ ពោតក្រហម និង​កន្ទក់ ជា​ប្រភព​ចំណី​មួយ​យ៉ាងសំខាន់​សម្រាប់​ផ្តល់​ប្រូតេអ៊ីន​ដល់​ សេចក្តីត្រូវការ​របស់​ស​ត្វ តែ​ទាំងបី​មុខ​ខាងលើនេះ វា​មិន​គ្រប់គ្រាន់​សម្រាប់​សត្វ​ទាំង​ទ្រុង​ឡើយ
​យើង​ចាំបាច់​ត្រូវមាន​វត្ថុ​បំប៉នបន្ថែម​ផ្សេងទៀត ដើម្បី​ជួយ​ឲ្យ​ការលូតលាស់​របស់​សត្វ​ត្រឹមត្រូវ​តាម​អាយុកាល​របស់​វា​។​
​ម្សៅ​ត្រី : កាលពី​ច្រើន​ឆ្នាំមុន យើង​អាច​ទិញ​ត្រី​ល្អិត​ប្រភេទ​ត្រី​ប្រហុក​មក​ហាល​ទុក​សម្រាប់​លាយ​ជាមួយ​ ចំណី តែ​សព្វថ្ងៃ​យើង​មិនអាច​រក​ទិញ​វា​បាន​ទៀតឡើយ ហើយក៏​មានតម្លៃ​ថ្លៃ​ផង ដូច្នេះ​យើង​មាន​វិធី​តែមួយគត់ គឺ​ត្រូវ​ទិញ​ម្សៅ​ត្រី ដែល​គេ​មាន​លក់​ស្រាប់​។ ក្នុង​ពេលនេះ ម្សៅ​ត្រី​វា​មានតម្លៃ​ប្រមាណ 4500 រៀល ក្នុង​មួយ​គីឡូក្រាម​យើង​ត្រូវការ​ម្សៅ​ត្រី​ដើម្បី​ឲ្យ​វា​បង្គ្រប់​បន្ថែម ​ផ្នែក​ប្រូតេអ៊ីន​ដល់​មាន់​។
​ យើង​មិន​អាចដាក់​ចោល​មិន​ផ្សំ​ម្សៅ​ត្រី​ចូល​បានឡើយ ព្រោះ​ស្ទើរ​គ្រប់រូប​មន្ត​ចំណី​មាន់​ទា​សឹង​បាន​តម្រូវ​ឲ្យ​មាន​ប្រូតេអ៊ីន ​ប្រភេទ​សាច់ គឺ​ម្សៅ​ត្រី​នេះ វា​ត្រូវបាន​គេ​កំណត់​ឲ្យ​លាយ​ក្នុង​អត្រា​ប្រហែល​នៅ​15-20 ភាគរយ​ក្នុង​ចំណី 100 គីឡូក្រាម​។​
​ម្សៅ​សំបកខ្យង ងាវ លៀស : វា​ផ្តល់​កាល់ស្យូម​បង្កើន​ការ​លូត​ឲ្យ​សំបក​ពង​ក្រាស់ មាន់​សំបូរ​ពង យើង អាច​លាយ​វា​ក្នុង​អត្រា 2 ទៅ 5 ភាគរយ​ក្នុង​ចំណី 100 គីឡូក្រាម វា​មានតម្លៃ​ត តែ​700 រៀល​ប៉ុណ្ណោះ​ក្នុង​១​គីឡូ​។​
ម្សៅ​ឆ្អឹង : យើង​ត្រូវការ​ម្សៅ​ឆ្អឹង​ដើម្បី​បំពេញបន្ថែម​សារជាតិ​រ៉ែ​ផ្សេងៗ ឲ្យ​ដល់​សត្វ ក្នុង​ករណីខ្លះ គេ​ប្រើ​ម្សៅ​ឈាម និង​ម្សៅ​ស្លាប​ផង​ក៏មាន​, ម្សៅ​ឆ្អឹង​មានតម្លៃ​ថ្លៃ​គឺ 1kg ថ្លៃ 2 ដុល្លា​(៨០០០​រៀល​) វា​ជាការ​ចាំបាច់​ណាស់ ដែល​យើង​ត្រូវ​លាយ​ម្សៅ​ឆ្អឹង​ជា​បន្ថែម​គួរតែ​ដាក់​មិនគួរ​ខាន​ឡើយ ទោះ​រូបមន្ត​ខ្លះ​មិនបាន​បញ្ជាក់​ក៏ដោយ យើង​អាច​លាយ​វា 250 ក្រាម​ទៅ​ចំណី​100kg ។​
​ព្រី​មិច : វា​ជា​វីតាមីន​បន្ថែម មាន​ផលិត​ដោយ​ក្រុមហ៊ុន​នៅ​វៀតណាម​និង មកពី​ប្រទេស​ថៃ សូម​ជ្រើស​រើសយក​ព្រី​មិច​ដែល​ល្អ កុំ​យក​ធុន​អន់​បើ​ទិញ​មក​ប្រើ​សូម​ចំណាំ​តាម​ម៉ាក​យីហោ​របស់​វា​ផង​
​ស្រួល​សំរាប់​ថ្ងៃក្រោយ​ត្រូវ​ការទិញ​វា​មិន​ខុស​គុណភាព​គ្នា​។ ពេលនេះ ព្រី​មិច​មានតម្លៃ 11000 រៀល​ក្នុង 1​កញ្ចប់​ទម្ងន់​1kg​ផលិត​ដោយ​ក្រុមហ៊ុន​វៀតណាម ចំណែក​ព្រី​មិច​របស់​ថៃ​វិញ​មានតម្លៃ​ប្រហាក់ប្រហែលគ្នា​ដែរ​។​
​មួយ​មុខ​ចុងក្រោយ​គេ​គឺ អំបិល : យើង​អាច​លាយ​វា​ក្នុង​អត្រា 250 ក្រាម​ក្នុង​ចំណី​សត្វ 100kg​។ អំបិល 1kg តម្លៃ​ប្រហែល 700 រៀល​
​​អំបិល​គ្រួស យក​អំបិល​ខ្មៅ​ទើប​ល្អ​។​
​បើ​យើង​អាច​ រកបាន​ហើយ​ផ្សំ​បាន គួរ​មាន​ត្រកួន ឬ ស្មៅ​កិន​ឲ្យ​ម៉ដ្ឋ​លាយ បន្ថែម​ជាមួយ​ចំណី តែ​ត្រូវ​ត្រាំ​ទឹក និង លាង​វា​ឲ្យ​ស្អាត​សិន មុន​យើង​ដាក់​កិន​។ ហេតុផល​ដែល​យើង​គួរ​ដូរ​ឲ្យ​វា​ស៊ី​បន្លែ​ខ្លះ​នេះ គឺ​ដើម្បី​សម្រួល​ដល់​ប្រព​ន្ធ័​រំលាយ​អាហារ​វា ក្នុង​មួយ​សប្តាហ៍​ឲ្យ​វា​ស៊ី ២ ទៅ ៣ ដង តែ​មិនត្រូវ​ឲ្យ​ស៊ី​ចំពោះ​មាន់​ប្រភេទ​បី​សាសន៍​និង មាន់​កសិកម្ម​ឡើយ អាច​ប្រើ​បាន​ចំពោះតែ​ពូជ​ន៍​ក្នុងស្រុក​តែប៉ុណ្ណោះ​។
​តារាង​តម្លៃ​វត្ថុធាតុដើម​សម្រាប់​ផ្សំ​ចំណី​មាន់​ទា​

• ស្រូវ​ ​ ​១២០០៛​ ​ក្នុង ១ គ​.​ក​
• ពោតក្រហម​ ​១៣០០ ៛​ ​ក្នុង ១ គ​.​ក​
• កន្ទក់​ ​ ៩០០ ៛ – ១១០០ ៛​ ​ក្នុង ១​គ​.​ក​
• ម្សៅ​ត្រង់​ ​៤៥០០ ៛ ​ក្នុង ១​គ​.​ក​
• ម្សៅ​ឆ្អឹង​ ​៨០០០ ៛​ ​ក្នុង ១​គ​.​ក​
• ម្សៅ​សំបកខ្យង​ ​៧០០ ៛ ​ក្នុង ១​គ​.​ក​
• ព្រី​ម៉ិច​ ​ ​១១០០០ ៛​ ​ក្នុង ១​គ​.​ក​
• អំបិល​ ​ ​៧០០ ៛​ ​ក្នុង ១​គ​.​ក​
• កាក​សណ្តែកសៀង​ ​៣៥០០ ៛​ ​ក្នុង ១​គ​.​ក​

* ថ្នាំ​ជួយ​ធ្វើ​ឲ្យ​ពង​ទា ពងមាន់ មាន​ពណ៌​ក្រហម ក៏មាន​លក់​ទីនេះ​ដែរ ។​
​ វត្ថុ​ទាំងអស់​ខាងលើ លើកលែងតែ​អំបិល អាច​ទិញ​បាន​នៅផ្ទះ​លក់​ចំណី​សត្វ​សញ្ញា​ផែនដី ដែលមាន​អាស័យដ្ឋាន ផ្ទះ​លេខ ៣៨៤ ផ្លូវ ២៧១ សង្កាត់​ទំនប់ទឹក ខ័​ណ្ឌ​ចំការមន រាជធានី​ភ្នំពេញ។ ទូរស័ព្ទ​លេខ : ០២៣ ៩៩៣ ៣៧១ / ០១២ ៨០៣ ៣១៣ / ០១១ ៨៨១ ៨១៧
​បើសិនជា​ លោកអ្នក​នាង​ជា​មិត្ត​អ្នកអាន មាន​ស្គាល់​ទីតាំង​ណា ដែលមាន​លក់​វត្ថុ​ផ្សំ​ខាងលើ​នេះដែរ សូមជួយ​ផ្តល់​ពត៌មាន​មក​យើងខ្ញុំ ដើម្បី​ចែក​ផ្សាយ​ដល់​អ្នក​ដែល​ត្រូវការ ដោយ​សូមបញ្ជាក់​តម្លៃ និង​ទីកន្លែង​សម្រាប់​ទិញ​ផង។

(ដកស្រង់ចេញពី ខេមបូឌាអេចប្រេសញូស៍)
ចុចដោនឡូនឯកសារ PDF  Download: file03_1.pdf